《旺角小清新cafe》
Coffee Jobs
最近行過廣華街有冇有發現一間有落地大玻璃，裝修簡約舒適而且有品味嘅小清新cafe？
話明係Coffee Jobs, 當然有一系列咖啡提供啦。咖啡類別非常特別，有peanut coffee、red beans latte、chestnut cream coffee等，真係樣樣都想試喔！
最後，我地叫咗Marshmallow latte ($54)同Deluxe chocolate ($52) (由於我係朱古力控，所以見到deluxe實在忍唔住！)
Deluxe chocolate真係不得了！以溶朱古力豆嘅方式製成，並唔係用普通朱古力粉沖㗎，所以又濃又滑，稠度啱啱好，厚身得黎又唔會稠到好難入口，極力推介！
珍寶菇牛肉漢堡 ($128)
一個漢堡滿足哂我兩個慾望。
珍寶菇味道不錯，夠juicy，但嫌唔係好夠珍寶。
牛肉夠厚但冇咩牛肉鮮味，返而好重黑椒味，而且有啲實，唔夠嫩。
芝士份量夠哂多，鋪滿成塊牛肉，溶溶地好正，仲夾住生菜蕃茄！伴碟嘅薯條粗身脆口，好有薯味仲有少少鹹香。
炸雞手指
炸雞條入面塞滿芝士，雞條炸得好脆口，唔會太油膩，肉質就有少少乾，但好在有滿滿嘅流心芝士搭救。
紫薯芝士撻 ($28)
酥皮好重牛油味而且好鬆化，紫薯蓉綿滑仲有紫薯粒，但忌廉芝士有啲酸，遮咗少少紫薯味，如果紫薯味濃返啲就更好食，但整體都唔錯。
冇諗過旺角都會有咁舒適嘅小清新cafe，真係可以喺度坐成日，以後黎旺角又多一個地方可以hea喇。
Search